Policia ka kapur një 35-vjeçar në Sarandë, pasi po i jepte makinës pa patentë.
I riu i lindur në Fier dhe banues në Greqi, tentoi t’i shmangej gjobës së policisë duke u përpjekur të korruptojë efektivët.
Për këtë arsye ai është vënë menjëherë në pranga nga policia.
“Gjatë patrullimeve në lagjen nr. 2, në rrugën “Vangjel Pandi”, shërbimet e patrullës “Shqiponja” ndaluan për verifikim automjetin tip Seat, me drejtues shtetasin K. H.. Nga kontrollet, rezultoi se 35-vjeçari, drejtonte automjetin pa leje drejtimi dhe, për t’iu shmangur masave ligjore, tentoi të korruptonte punonjësit e policisë duke u ofruar 50 euro”, njofton policia.
