Emri i shqiptarit të shumëkërkuar, që u kap dje në pikën kufitare të Kapshticës nga pala greke u bë i ditur nga policia e shtetit fqinj.
Ai është 28-vjeçari Markelian D., Për të riun ka një urdhër-arresti nga Prokuroria e Krimeve të Rënda Tiranë, si bashkëpunëtor në tentativën e trafikimit nga Durrësi në Itali e më pas në Holandë të 705 kg marijuanë.
Sasia e madhe e drogës u kap në 6 qershor 2017 në Portin e Durrësit në një kamion me kastraveca të ngarkuar në Lushnjë, ku u arrestua shoferi maqedonas Kiril Filev, 32-vjec nga Maqedonia e Veriut dhe u shpallën në kërkim 3 shtetas.
Prokuroria greke ka nisur procedurat për ekstradimin e tij drejt Shqipërisë./Opinion.al
