Prokurori i denoncuar mbrëmjen e sotme në emisionin ‘Stop’ në TV Klan, është Ardian Braho me detyrë Prokuror Rrethi i Tiranës, i cili i ka marrë ryshfet një qytetari për t’i zhbllokuar një çështje gjyqësore që kishte të bënte me bllokimin e një shume parash prej 120 mijë euro.
Ardian Braho ka qenë prokuror për dhjetë vjet te Prokuroria e Krimeve të Rënda. Braho ka hetuar dosjen e bandës së Lushnjes, rrëmbimin e Imamit të Gostivarit. Gjithashtu, ai ka hetuar edhe dosje të lidhura me trafikun e drogës, armëve e vepra të ndryshme penale.
Braho është 43 vjeç nga Shkodra, i cili rezulton prkuror me karrierë të gjatë, pasi në CV-në e tij bëjnë pjesë çështje si ajo e sheshit “Skenderbej”, ku Lulzim Basha vendosi mbylljen e çështjes pasi vendinimi ishte marrë nga Këshilli Bashkiak.
Pasi kaloi në Prokurorinë e Tiranës, Braho ka hetuar Ridvan Boden për kallëzimin e fshehjes së pasurisë, Bojaxhiun për mos prishjen e ndërtimeve, si dhe ka hetuar dosjen ndaj Florian Mimes dhe Enno Bozdos.
Ndërkaq, Ardian Braho ishte dhe prokurori që po hetonte se kush e ka përgjuar Sajmir Tahirin.
Ai ka qenë edhe në hetimet ndaj Drejtorit të Policisë së Shtetit, Haki Çako në çështjen e përdorimit të pjisjes së përgjimit. Por jo vetëm kaq, Braho ka qenë edhe prokuror në çështjen hetimore ndaj ish kreut të Inspektoriatit Ndërtimor të Tiranës, Florenc Hoxha.
Prokurori, ka qenë, gjithashtu edhe pjesë e task-forcës së Prokurorisë së Tiranës që hetoi çështjen e mashtrimit me TVSH-në në industrinë e përpunimit të metaleve që përllogaritej se i kishte shkaktuar shtetit një dëm prej 26 milionë dollarë.
Shiko videon:
