Një 34-vjeç është arrestuar nga policia, pasi është kapur me armë pa leje në një lokal në Durrës.
Uniformat blu bëjnë me dije se shtetasi B.S. 34 vjeç u arrestua në një lokal në lagjen ‘Perimore’ në Sukth, teksa mbante me vete një armë zjarri pistoletë.
Sipas informacioneve zyrtare ndaj tij rëndon akuza e mbajtjes pa leje të armëve të zjarrit.
“Falë informacioneve të siguruara nga inteligjenca policore, si dhe në kuadër të monitorimit të vazhdueshëm të situatës në nivel qarku, me qëllim parandalimin dhe goditjen e paligjshmërive, shërbimet operacionale dhe ato të Forcës së Posaçme “Shqiponja” të Drejtorisë Vendore të Policisë Durrës, kanë organizuar dhe finalizuar operacionin policor të koduar “Klienti”, në kuadër të të cilit u godit një rast i mbajtjes pa leje të armëve të zjarrit.
Për këtë rast u arrestua shtetasi B. S., 34 vjeç, banues në Kuçovë.
34-vjeçari u kap në flagrancë, në një lokal në lagjen “Perimore”, Sukth, teksa mbante me vete një armë zjarri pistoletë, e cila iu sekuestrua në cilësinë e provës materiale”, tha policia.
Materialet procedurale i kaluan Prokurorisë pranë Gjykatës së Shkallës së Parë, të Juridiksionit të Përgjithshëm Durrës, për veprime të mëtejshme./Opinion.al
