Tesilvan Basho është dënuar me 10 vite burg nga Gjykata e Vlorës.
I quajtur ndryshe “i forti i Selenicës”, Tesi Basho u arrestua në muajin tetor të vitit të kaluar 2019 në banesën e tij. Gjatë operacionit policia sekuestroi dy automatikë, pistoletë “Glock”, radio marrëse-dhënëse, kallëpe tritoli, lëndë narkotike kanabis.
Basho u arratis nga një burg i sigurisë së lartë në Romë dhe hyri ilegalisht në Shqipëri, ku nisi aktivitetin kriminal. Në vitin 2017 ai dyshohet se kërcënoi një biznesmen me qëllim përfitimin e 100 mijë eurove.
Në vitin 2016, Gjykata e Torinos e ka dënuar me burgim të përjetshëm, pasi në vitin 2008 ka vrarë me armë zjarri dy shtetase që ushtronin prostitucion në qytetin e Torinos, njërën prej të cilave e shfrytëzonte vetë.
Vendimi me 10 vite burg ndaj tij ishte kërkuar nga prokuroria për disa vepra penale si armëmbajtje pa leje, shitja dhe prodhimi i narkotikëve, kultivim të lëndëve narkotike dhe falsifikim të pasaportës./ Opinion.al
