Para disa ditësh reperi Stresi u ndalua nga policia e Tiranës, pasi në një lokal të Tiranës ai dhe disa persona të tjerë u kapën duke konsumuar kokainë. Ditën e sotme Gjykata Penale ka marrë vendimin për këngëtarin, duke vendosur të hetohet në gjendje të lirë.
‘Stresi’ ka pranuar se ka qenë duke konsumuar kokainë, por ka thënë se lënda narkotike nuk ishte e tija.
Është hera e dytë që ‘Stresi’ del para gjykatës si i arrestuar nga policia. Masë ndaj tij është caktuar edhe dy vite më parë, pasi u arratis nga Komisariati numër 3 në kryeqytet.
