Ish- kryebashkiaku i Vorës Agim Kajmaku është liruar pasi ka marrë pafajësinë nga Gjykata e Fermos.
Kajmaku u arrestua në Itali gjatë një operacioni antidrogë, pasi kishte fshehur 20 kilogram drogë në një vazo me lule.
Gjykata ka deklaruar gjithashtu se pafajësinë e ka marrë edhe nipi i Kajmakut.
Kujtojmë se në seancën gjyqësore Kajmaku u mbrojt nga avokatët Ariol Kondi dhe Paolo Rossi.
Ish-kryebashkiaku u ndalua në maj të vitit 2022 nga policia italiane, pasi së bashku me një të afërmin e tij, iu gjetën rreth 20 kilogramë kokainë e fshehur në vazo me lule. Ndaj Kajmakut ka pasur një tjetër proces penal në Shqipëri. Ai arrestua në 6 maj të vitit 2020, pasi Prokuroria e Tiranës e kishte shpallur në kërkim prej muajit nëntor 2019 për “shërdorim detyre”, “falsifikim të formularëve”, si dhe një akuzë të tretë për “kryerje të funksionit pas dhënies fund të tij”.
Por, gjykata e liroi pas dy ditësh duke përdorur si argument ndër të tjera edhe gjendjen e tij shëndetësore dhe caktoi masën e sigurimit personal “detyrim paraqitje”.
