Është shkarkuar nga detyra doganieri që u kap me lëndë narkotike në pikën e kalimit kufitar të Qafë-Botës.
Arten Ibrahimi nga Përmeti po udhëtonte drejt Greqisë me rreth 30 pako lëndë narkotike dhe armë zjarri. Shkarkimi i Ibrahimit është bërë nga drejtori i Përgjithshëm i Doganave, Gjon Bardhi.
“Për vetë përgjegjësitë veçanta që ka Dogana Shqiptare konsiderohet shkelje shumë e rëndë kur nga vetë punonjësit e ADSH shkelen ligjet që rregullojnë punën e Doganave Shqiptare, ose që kanë lidhje me të dhe për të cilat janë ngarkuar ti zbatojnë“-thuhet në njoftim.
Lënda narkotike u gjet pas kontrollit të imtësishëm duke përdorur edhe qenin antidrogë, i cili ka zbuluar se në pjesën e bagazhit të automjetit në një vend të posaçëm ishin fshehur 34.55 canabis sativa. Veç Arten Ibrahimit, me të u arrestua dhe një shtetas tjetër, identiteti i të cilit nuk dihet ende./ Opinion.al
