Fredi Beleri ka kërkuar sot lirimin në gjykatën e Lartë.
Mësohet se avokatët e tij kanë dorëzuar rekurs në Gjykatën e Lartë, ku Beleri kërkon lirimin nga masa e sigurimit ‘arrest në burg’, që u la në fuqi nga GJKKO.
Ende nuk është caktuar se kur do të shqyrtohet kërkesa.
Ndërkohë në datën 16 Apeli i GJKKO pritet të shqyrtojë kërkesën për pavlefshmëri të përgjimeve.
Kujtojmë që Fredi Beleri është lënë në burg nga një vendim i dhënë nga Gjykata e Vlorës.
Beleri i cili akuzohet për shit-blerje votash, është arrestuar më datë 12 maj në mesnatë para lokalit të tij bashkë me një person tjetër.
Sipas policisë, hetimet nisën ditë më parë pas informacioneve se disa persona iu ofronin qytetarëve të ndryshëm, shuma të caktuara parash kundrejt dhënies së votës për një nga kandidatët konkurrues./Opinion.al
