COVID-19 i ka marrë jetën një tjetër mjeku në Shqipëri. Mësohet se mjeku Hiqmet Musta ka humbur jetën në moshën 72 vjeçare pas infektimit me COVID-19.
Ai kishte gjashtë ditë që ishte infektuar me COVID-19 dhe nuk ia doli të mbijetonte.
Musta ka shërbyer për vite me radhë si radiolog në spitalin e Kavajës. Lidhur me vdekjen e Mustës ka reaguar edhe mjeku Drini Bardhi, i cili shpreh ngushëllimet për familjarët dhe miqtë e tij.
“Të qofte dheu i lehtë kolegu i nderuar, Dr.Hiqmet Musta. Radiolog i saktë, fjalëpak, nga ata mjekë qe po i mungojnë gjithmonë e më shumë spitalit tonë. Për fat të keq virusi vazhdon të marrë jetë njerëzish dhe mjekësh!Allahu na bashkoftë në xhehnet!”, shkruan mjeku Drin Bardhi./ Opinion.al
