Mediat greke e quajnë incident diplomatik mes Shqipërisë dhe Greqisë ngjarjen e rëndë të disa ditëve më parë ku një shqiptar vdiq, dyshohet nga dhuna e ushtruar në komisariatin policor grek. Këto dyshime i kanë ngritur miq të shqiptarit në burgun grek, por edhe familjarë të cilët thonë se në trupin e të riut janë gjetur shenja të djegies me cigare.
Por gazeta greke “To Vima” shkruan se shqiptari Pellumb Marnikollaj i ka dhënë fund jetës vetë duke u hedhur nga kati i dytë i rajonit të policisë në kushte depresive me frikën se e priste një tjetër urdhërarrest.
Madje “To Vima” shkruan duke iu referuar mediave shqiptare se po përdoret një gjuhë jo e drejtë për policinë greke e cila akuzohet për vdekjen e shqiptarit. Sakaq, Drejtoria e Policisë së Athinës në një deklaratë thekson se kanë nisur hetimet për vdekjen e lezhjanit 28vjeçar. Policia i ka dërguar të dhënat Prokurorisë së Athinës që prej datës 11.08.2016 bashkë me ekspertizën mjekoligjore. Viktima kishte një vendim gjykate detyrim paraqitje në polici dhe ai si zakonisht ishte paraqitur për të firmosur.
Njoftimi i policisë greke për rastin e shqiptarit Marnikollaj: (publikuar ketu)
Me rastin e raporteve në median shqiptare rreth incidentit vdekjeprurës të qytetarit shqiptar, pasi ra nga kati i dytë i Departamentit të Sigurisë i Patisias më 03.08.2016: Në subdivisionin ‘Athina Security’ eshte kryer një hetim paraprak, materiali i të cilit është dorëzuar prane Prokurorisë së Shkallës së Parë në Athine me 11/08/2016, bashke me raportin mjekoligjor. Paralelisht, Drejtoria për siguri të Athinës në 08.04.2016 ka dërguar një letër ambasadës shqiptare per atë incident, për të kërkuar dhe për të informuar të afërmit e të vdekurit. Ka një hetim administrativ mbi këtë incident, me urdhër të Shtabit të Policisë greke./ Panorama.al
