Pak ditë pasi u godit me shkop bejsbolli nga pronari i një lokali, ka ndërruar jetë 23 vjeçari nga fshati Dishnicë i Korçës.
Polica njofton se Marsel Osmani që u plagos rëndë në 29 Gusht, në lokalin e shtetasit Olsi Zyberi, ka ndërruar jetë në Spitalin Ushtarak në Tiranë, ku ishte duke marrë ndihmë mjekësore të specializuar.
41 vjeçari Olsi Zyberi, autori i dyshuar i ngjarjes është arrestuar në flagrancë nga Policia, ditën kur ka ndodhur ngjarja.
Osmani kishte marrë plagë të rënda në pjesën e kokës si pasojë e rrahjes barbare. Ngjarja ndodhi në orët e para të mëngjesit të pas një konflikti që dy personat patën me njëri tjetrin nën efektin e pijeve alkolike.
