Pak ditë më parë, Komisioni Qendror i Zgjedhjeve gjobiti me 75 mijë lekë kryebashkiakun, Erion Veliaj, për organizimin e aktiviteteve të ndaluara përpara zgjedhjeve dhe dhënien e certifikatave të pronësisë.
Por, Komisioni i Ankimeve dhe Sanksioneve ka shfuqizuar dy dënimet me gjoba për kreun e bashkisë së Tiranë. KAS-i nuk ka konstatuar shkelje nga ana e Veliajt dhe ka shfuqizuar gjobat me 35 mijë lekë dhe 40 mijë lekë.
Vendimi u mor gjatë mbledhjes së KAS ditën e sotme. Anëtarët e KAS pranuan argumentet e përfaqësuesit ligjor se Bashkia Tiranë e ka nisur raportimin e të dhënave për aktivitetet e saj që me krijimin të dhënave në faqen e KQZ-së.
“Duke konstatuar se caktimi i personit përgjegjës është bërë më 7 janar 2021 dhe raportimet në vijim janë vlerësuar në përputhje me ligjin, në këto rrethana nuk kemi përgjegjësi administrative vendosëm shfuqizimin me gjobë ndaj Erion Veliajt të shumës 35 mijë lekë për mosraportim të aktiviteteve. Për pikën 2 duke konstatuar se gjatë veprimtarive të denoncuara nuk janë shpërndarë leje apo certifikata pronësie sipas ligjit vendosi shfuqizimin e gjobës për shumë 40 mijë lekë ndaj Erion Veliaj, kryetar i Bashkisë Tiranë. Ky vendim hyn në fuqi menjëherë, kundër këtij vendimi mund të apelohet në gjykatën e shkallës së parë Tiranë” – thotë KQZ.
Komisioni Qëndror i Zgjedhjeve gjobiti kryebashkiakun Veliaj pas ankesës së LSI-së. Ndërkohë Veliaj ka e ka kundërshtuar vendimin e KQZ me argumentin se po bën punën e tij si kryebashkiak, duke u dhënë shtëpi njerëzve./Opinion.al
