Policia e Lezhës ka zbardhur një ngjarje të ndodhur një vit më parë, ku një 59 vjeçar u gjet nga familjarët në një kanal afër banesës dhe disa orë më pas humbi jetën në spital.
Uniformat njoftojnë se bëhet fjalë për një ngjarje të ndodhur më 18 gusht 2022 në Kurbin.
Një vit më pas policia informon se burri ishte shtyrë nga një person tjetër pas një konflikti të çastit dhe ka vënë në pranga autorin, një 59 vjeçar. Nga hetimet e thelluara mësohët se pas një konflikti të çastit me shtetasin Y. T, ky i fundit ka rënë në kanal ndërsa i ndaluari I.L. është larguar menjëherë pa i dhënë ndihmë mjekësor
Policia bënë me dije se ndaj autorit, Gjykata e Kurbinit ka caktuar masën e sigurisë “arrest me burg” për veprën penale “Vrasje nga pakujdesia”.
“Zbardhet ngjarja e ndodhur më datë 18.08.2022, në Kurbin ku në një kanal afër banesës së tij, është gjetur nga familjarët, shtetasi Y. T. i cili disa orë më pas ka humbur jetën në spital.
Si rezultat i veprimeve hetimore të thelluara të kryera nga specialistët për Hetimin e Krimeve të Komisariatit të Policisë Kurbin, nën drejtimin e Prokurorisë së Kurbinit, u bë e mundur zbardhja dhe dokumentimi i ngjarjes së ndodhur më datë 18.08.2022, në Kurbin, ku në një kanal afër banesës së tij, nga familjarët e tij, është gjetur me shenja jete shtetasi Y. T. 51 vjeç, i cili pas dërgimit në spital ka humbur jetën.
Bazuar në prova, u bë ndalimi i shtetasit I. L. 59 vjeç, banues në fshatin Shullaz, Kurbin, i shpallur në kërkim gjatë hetimeve. Ndaj tij, Gjykata e Kurbinit ka caktuar masën e sigurisë “arrest me burg” për veprën penale “Vrasje nga pakujdesia”.
Nga hetimet ka rezultuar se, shtetasit Y. T. dhe I.L. ishin konfliktuar verbalisht me njëri – tjetrin, ku si pasojë e atij konflikti shtetasi Y. T. ka rënë në kanal, ndërsa shtetasi I.L., është larguar menjëherë, pa i dhënë ndihmë”, tha policia.
Materialet procedurale iu referuan Prokurorisë për veprime të mëtejshme./Opinion.al
