Një i ri humbi jetën sot në rrethana të paqarta në një hotel në Bulqizë.
Policia bën me dije se 32 vjeçari është Enri Brahaj nga Fieri, i cili punonte në rrugën e Arbrit.
Ndërsa në fillim u tha se i riu humbi jetën në rrethana natyrale, burime të “News 24” pranë grupit hetimor kanë bërë me dije se Brahaj humbi jetën si pasojë e rrjedhjes së gazit në dhomën e hotelit ku qëndronte.
Ndërkohë që një gjë e tillë nuk saktësohet në njoftimin paraprak të policisë, e cila ka marrë në verifikim të gjithë kamerat e hotelit për zbardhjen e ngjajres.
Po kështu është marrë në pyetje edhe pronari i hotelit ku u gjet i vdekur 32 vjeçari.
Njoftimi paraprak i Policisë
“Rreth orës 11.00, datë 25.01.2019, Policia e Bulqizës është njoftuar se është gjetur pa shenja jete në dhomën e një hoteli një 32-vjeçar banues në Fier. Nga këqyrja paraprake e trupit të viktimës nuk janë konstatuar shenja dhune, dhe paraprakisht dyshohet se vdekja ka ardhur nga shkaqe natyrale. Grupi hetimor ndodhet në vendngjarje dhe po punon për zbardhjen e shkakut të humbjes së jetës të 32-vjeçarit”- thuhej në njoftimin e policisë.
