Presidenti amerikan Donald Trump ka hedhur poshtë akuzat se ai përdhunoi një grua në dhomën e provës së një dyqani, në mes të viteve 1990.
Presidenti amerikan thotë se kurrë nuk e ka takuar E. Jean Carroll dhe duke thënë se akuzat i bën për të shitur librin e saj të ri.
Zonja Carroll, gazetare, thotë se nuk e raportoi sulmin në atë kohë pasi u këshillua nga një mik që ajo nuk kishte shanse për të fituar në gjykatë. Historia e saj u botua të premten në revistën Neë York.
Më shumë se një duzinë femrash kanë ngritur më parë akuza për sulme seksuale ndaj Trump, të cilat ai i ka mohuar.
Çfarë pretendon E. Jean Carroll?
Në artikull, ajo përshkruan takimin e Trump në fund të vitit 1995 ose në fillim të vitit 1996, në Bergdorf Goodman. Ajo thotë se e njohu atë si “manjatin e pasurive të patundshme”. Trump i tha asaj se po blinte një dhuratë për “një vajzë”.
Ajo thotë se Trump e dinte se në atë kohë punonte për një televizion, ndërsa i inkurajoi që ti provonte të brendshmet. Carroll pretendon se ata pastaj shkuan në një dhomë prove, dhe aty ndodhi gjithçka. Carroll thotë se i tha dy miqve rreth incidentit, ndërsa njëri prej të cilëve e këshilloi atë të shkonte në polici. “Harrojeni, ai ka 200 juristë dhe do të varrosë”.
Si reagoi Trump?
“Nuk e kam takuar kurrë këtë person në jetën time”, tha presidenti amerikan në një deklaratë. “Ajo po përpiqet të shesë një libër të ri “./ Opinion.al
