Policia rrugore ka gjobitur një shofer pasi ka kryer një parakalim të gabuar në aksin Lezhë-Milot.
Pas parakalimit të gabuar, drejtuesi i mjetit e ka publikuar videon në rrjetet sociale.
Uniformat blu njoftojnë se shoferi është gjobitur me 10 000 lekë.
”Në lidhje me një video të postuar në llogarinë në Facebook “Harta Digjitale e Aksidenteve Rrugore”, në të cilën shfaqet drejtuesi i një automjeti, i cili parakalon në kundërshtim me rregullat, një autokolonë në aksin rrugor “Lezhë – Milot”, ju informojmë se:
Menjëherë pas publikimit të videos kanë nisur verifikimet, pas të cilave është identifikuar drejtuesi i këtij automjeti, shtetasi Xh. L..
Për shkeljen e kryer, në bazë të pikës 16 të nenin 146 të Kodit Rrugor, ai është ndëshkuar me masë administrative 10 000 lekë”, njofton policia./Opinion.al
