Një ngjarje e rëndë është regjistruar ditën e sotme në Durrës, ku një 18-vjeçar ka humbur jetën.
Sipas informacioneve të policisë shtetasi A.K ishte futur në det për të shpëtuar dy të mitur që po mbyteshin por nuk ka arritur të dalë vetë në breg.
Dy të miturit e shpëtuar janë transportuar menjëherë në spital, të cilët aktualisht ndodhen nën kujdesin e mjekëve dhe në gjendje të mirë shëndetësore.
Ndërsa, policia pas disa minutash kërkimi në det, ka gjetur dhe nxjerrë në breg trupin e pajetë të 18-vjeçarit.
“Në vijim të informacionit paraprak për shtetasin A. K., rreth 18 vjeç, që dyshohet se u fut në det, për të shpëtuar dy fëmijë të mitur, ju bëjmë me dije se:
Shërbimet e Policisë Kufitare kanë gjetur dhe kanë nxjerrë nga uji, trupin e pajetë të shtetasit A.K”,-njofton policia./Opinion.al
