Ndonëse në media u fol për një lidhje të mundshme intime mes Lirie Xhepës dhe kunatit të saj, duket se të tjera kanë qenë shkaqet e vrasjes së 49-vjeçares që u gjet sot e vrarë pranë liqenit të Sharrës.
Dyshimet kryesore u hodhën për vëllain e bashkëshortit të saj, Dashamir Xhepa, ndërkohë që informacionet e fundit flasin se mes viktimës dhe autorit të dyshuar ka patur një konflikt të hershëm, që duket se ka patur në thelb çështje pronësie.
Sipas gazetares së BW, konflikti mes gruas dhe kunatit të saj ka nisur në vitin 2008, kohë kur ajo ka shkuar në spital me shenja dhune në kokë, por ka deklaruar se ka renë nga shkallët.
Është policia ajo që ka zbuluar konfliktin dhe ka bërë me dije asokohe, se gruaja e ve, ishte dhunuar nga kunati, por duke qenë se ishte kërcënuar me armë pr jetën e djemve të saj, kishte vendosur të mos fliste.
Për këtë ngjarje, ajo kishte patur edhe një urdhër-mbrojtje.
49-vjeçarja Lirie Xhepa është gjetur mëngjesin e 14 Shkurtit e hedhur në disa shkurre, ndërsa në trupin e saj u gjetën 3 plumba dhe shenja dhunë. /M.B
Ne foto: Viktima dhe autori
