Të tjera detaje janë publikuar nga mediat kosovare lidhur me ngjarjen e rëndë të ndodhur në Kosovë, ku një mësues i edukimit fizik në Deçan është filmuar fshehurazi teksa puthte në buzë një nxënëse të klasës së shtatë.
Nxënësja 12-vjeçare, sipas dosjes së prokurorisë, ka deklaruar në komisariatin e policisë se mësuesi e ka puthur në buzë atë dy herë edhe pse ajo e ka kundërshtuar.
Por, nga ana e tij, Valentin Selmanaj ka mohuar akuzat. Në deklaratën e tij e pranon që është mësues i të miturës, se ka qenë në dijeni të moshës së saj, por thotë se vetëm e ka përkëdhelur dhe duke i vendosur dorën në kokë e ka afruar afër vetes për disa sekonda.
Ngjarja është denoncuar në polici nga një nxënës i shkollës, që ka filmuar momentin.
Video pak minuta pas publikimit është bërë virale në rrjet.
