Arrestohet oficeri i Policisë Gjyqësore Fatos Lushi pas denoncimit ku shfaqej duke marrë 18 mijë Euro ryshfet për Prokurorin Ardian Braho.
Prokuroria e Krimeve të Rënda kishte lëshuar-urdhër arresti ndaj tij dhe ishte shpallur në kërkim mbrëmjen e sotme.
Lushi është arrestuar rreth orës 22:30 të mbrëmjes së të mërkurës dhe ndodhet tek Drejtoria e Policisë së Tiranës.
Në videon e shfaqur nga emisioni investigativ “Stop”, Fatos Lushi mori 18 mijë Euro për t’ia dhënë prokurorit të Tiranës Ardian Braho, që ky i fundit të zhbllokonte llogarinë 120 mijë Euro të qytetarit që ishte sekuestruar, e dyshuar se buronte nga aktivitete kriminale.
