Detaje të reja kanë dalë në dritë nga atentati i ndodhur mëngjesin e sotëm në Laç, ku mbeti i vrarë biznesmeni Rakip(Pilot) Rroli.
Sipas raportimeve, Roli u qëllua me breshëri kallashnikovi sapo doli me makinë nga banesa e tij. Biznesmeni pas atentatit është përplasur me një makinë tjetër ndërsa më pas ka përfunduar në kanal anash rrugës.
Pista kryesore që po hetohet deri më tani është ajo e konflikteve të mëparshme, pasi viktima, Rakip Rroli, ishte përfshirë në një konflikt 10 vite më parë, ku së bashku me një person tjetër, kanë plagosur një 20-vjeçar.
Në ndihmë të Policisë lokale janë nisur grupe të FNSH-së dhe një grup i posaçëm hetimor për të bërë të mundur zbardhjen e ngjarjes./Opinion.al
