Një i afërm i Fatjon Dervishit ka folur për mediat pas vrasjes së 38-vjeçarit në Sukth.
Në një dalje për media, ai tregoi se Dervishi sapo ishte duke bërë lokalin e tij afër shtëpisë.
I afërmi tregoi se 38-vjeçari jetonte në Itali.
“Vetëm për këtë çunin (Fatjon Dervishi) njoh se vjen pi kafe me ne. Çuni më i mirë pra. Çun tamam, me lekë me dreq, sa ishte duke bërë lokalin atje afër shtëpisë”, tha ai.
Fatjon Dervishi, 38 vjeç, humbi jetën pasi u ekzekutua pak pas mesnatës në fshatin Katund të Sukthit nga persona të paidentifikuar.
Ai ishte babai i dy fëmijëve. Sipas KlanNews, Dervishi nuk ka precedentë penalë në vendin tonë. Kjo ka vështirësuar edhe punën e grupit hetimor për ngritjen e një piste pse ndodhi ky krim.
Ndërkohë autorët e ngjarjes vijojnë të mbeten ende të paidentifikuar.
