Shtetasi Nazim Bandula u ekzekutua teksa po pinte kafene e mëngjesit në një lokal pranë banesës së tij.
Sipas policisë, ngjarja ndodhi rreth orës 8:15 në lagjen “Partizani” në Shkodër.
Nga detajet e para është bërë e ditur se 55-vjeçari ishte ulur në ambientin e jashtëm të lokalit dhe po pinte kafe kur një automjet është afruar dhe e ka qëlluar me breshëri plumbash.
Bandula ka mbetur i vdekur në vend, ndërsa personat që qëlluan mbi të janë larguar nga vendi i ngjarjes me automjetin që kryen dhe vrasjen.
Kujtojmë se kjo nuk është hera e parë që 55-vjeçari bie pre e një atentati. Edhe 2 vite më parë i shpërtheu një sasi tritoli në automjetin e tij “X5”.
Policia informoi se ndodhet në vendin e ngjarjes dhe se ka nisur punën për krehjen e zonës e kapjen e autorëve të krimit./Opinion.al
