Sokol Çelaj, 58-vjeçari, i cili mbeti viktimë e një atentati me armë zjarri mbrëmjen e djeshme në Malësi të Madhe, rezulton të jetë person me precedentë të mëparshëm penalë.
Sipas news 24, Çelaj ka punuar polic dhe në vitin 1989 ka vrarë një person me armën e shërbimit.
Gjykata asokohe e konsideroi vrasjen nga pakujdesia dhe Çelaj ka bërë rreth 6 vite burg, ndërsa pasi ka vuajtur dënimin ka emigruar për në Angli.
Mësohet se kjo është një nga pistat që po hetohet deri më tani, por nuk përjashtohen edhe episode të tjera.
Ngjarja ka ndodhur në fshatin Reç rreth orës 22:50. 58-vjeçari ka qenë duke lëvizur me makinën e tij, teksa ka qenë i shoqëruar me bashkëshorten. Autori i ka dalë para makinës, dhe ka qëlluar 5-6 here me zjarri kallashnikov në drejtim te mjetit tip Benz foristrade me targa angleze.
Viktima kishte pak ditë që ishte kthyer në Shqipëri, pasi prej vitesh jetonte në Angli. Ndërkohë mbrëmjen e djeshme, kur iu bë atentati po kthehej në shtëpi, pasi kishte vizituar një të afërm.
