Gjykata e Posaçme Antikorrupsion ka caktuar masën e sigurisë “arrest me burg” për Leonard Dukën.
Gjatë zhvillimit të seancës me dyer të mbyllura Leonard Duka i ekstraduar disa ditë më parë nga Belgjika nuk ka pranuar që të japë asnjë shpjegim.
Duka ishte shpallur në kërkim ndërkombëtar nga Interpol Tirana, pasi Gjykata e Posaçme Kundër Korrupsionit dhe Krimit të Organizuar i ka caktuar masën e sigurisë “Arrest në burg”, për veprat penale “Vrasja me dashje”, kryer në formën e veçantë të bashkëpunimit, “Mbajtja pa leje dhe prodhimi i armëve, armëve shpërthyese dhe municionit”, “Sigurimi i kushteve për vrasje”, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.
Kuktojmë se kreu i klanit “Duka” akuzohet për vrasjen e ish-policit Santiago Malko më 27 gusht 2019. Po ashtu masa e dytë e sigurisë ka të bëjë me sigurimin e kushteve për të kryer vrasjen e Erigers Mihasit dhe Ervis Martinajt.
