Një 36-vjeçar është arrestuar nga Policia e Elbasanit, pasi akuzohet se për djegien e një makine në lagjen “Aqif Pasha” 7 ditë më parë.
Fillimisht u dyshua se djegia e makinës ishte aksidentale, por pas hetimeve rezultoi se ka qenë shtetasi G. M., , i dënuar më parë për disa vepra penale, që dogji automjetin.
Sipas hetimeve, 36-vjeçari “gjatë natës, në lagjen “Aqif Pasha”, për motive të dobëta, ka djegur me benzinë, një automjet të parkuar, në pronësi të shtetasit S. M. Nga përhapja e flakëve u dogj pjesërisht dhe një automjet tjetër i parkuar pranë.”
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprën penale “Shkatërrimi i pronës me zjarr”.
