Policia ka dhënë detaje nga dorëzimi i 3-vjeçarit nga gjyshja e tij, Barie Gjuni, në Prokurorinë e Durrësit. Vogëlushi u dorëzua pas një jave që rezultonte i zhdukur.
Sipas policisë, Amar tashmë është me nënën e tij, 23-vjeçaren Ile Gjuni dhe ndodhet në gjendje të mirë shëndetësore.
“Si rezultat i presionit policor, kërkimeve të shumta dhe negociatave, sot është vetëdorëzuar shtetasja B. Gj., së bashku me nipin e saj 3-vjeçar, të cilin e mori nëna e tij, në gjendje të mirë shëndetësore”, raporton policia.
Ashtu siç shihet në pamjet e bëra publike ai ka përqafuar me mall nënën e tij.
