Një adoleshente iraniane e dhunuar javë më parë në një incident misterioz në metronë e Teheranit, ndërsa nuk mbante hixhab në kokë, ka ndërruar jetë, kanë raportuar mediat shtetërore.
Vdekja e Armita Geravand, 16, vjen pas qëndrimit të saj në koma prej javësh dhe pas një-vjetorit të vdekjes së Mahsa Aminit dhe protestave mbarëkombëtare që shkaktoi inicidenti që solli vdekjen e saj.
Agjencia shtetërore iraniane e lajmeve IRNA raportoi vdekjen e saj.
“Sipas teorisë zyrtare të mjekëve Armita Geravand, pas një rënie të menjëhershme të presionit të gjakut, ajo pësoi një rënie, një dëmtim të trurit, i ndjekur nga konvulsione të vazhdueshme, ulje të oksigjenimit cerebral dhe një edemë cerebrale.
Ajo që ndodhi në pak sekonda pasi Armita Geravand hyri në tren më 1 tetor, mbetet në pikëpyetje.
Nëna dhe babai i zonjës Geravand u shfaqën në pamjet e medias shtetërore duke thënë se një problem i presionit të gjakut, kontribuoi në lëndimin e vajzës së tyre.
Aktivistët jashtë vendit kanë pretenduar se ajo mund të jetë shtyrë ose sulmuar për shkak se ajo nuk kishte veshur hixhab.
Armita dhe dy shoqet e saj tentuan të hynin në një stacion metroje në Teheran në fillim të tetorit, ku u ndaluan nga oficerët e policisë për shkak se nuk mbanin hixhabin, që është i detyrueshëm në Iran./Opinion.al
