Dava Ndoj 33-vjeçarja nga fshat Markatomaj i Lezhës ka denoncuar ditën e sotme dhunën nga familjaret e burrit me të cilin është në proces divorci
33 vjeçarja në një deklaratë për mediat bën me dije se është dhunuar dhe sipas saj ka që në janar që e ka këtë luftë me familjen e ish bashkëshortit, teksa thekson se asnjë urdhër mbrojtje nuk është marrë parasysh.
Sipas Dava Ndoj avokati i ish-bashkëshortit është dhe dhëndri i shtëpisë ku ajo ka qenë nuse dhe bashkëshorti i ish-kunatës e cila bashkë me dy fëmijët dhe prindërit kanë dhunuar të renë.
Mes lotësh në sy 33-vjeçarja Ndoj, thotë për mediat se nuk ka gjetur mbështetje nga institucionet shtetërore, dhe i akuzon këto të fundit për mos zbatim të ligjit.
“Unë në atë moment kam qenë duke ndenj me djalin, aty ka ardhur motra e ish burrit dhe më ka goditur. Më ka sulmuar kunata bashkë me dy fëmijët e saj dhe dy prindërit. Plaku më ka goditur më shumë bashkë me vajzën e tij. Unë jam me urdhër mbrojtje por deri më tani nuk kam gjetur drejtësi. Nuk është zbatuar ligji. Lufta që me 16 janar. Avokati është dhëndri i shtëpisë, dhe nusja e tij është ajo që më ka goditur bashkë me djalin e vajzën e saj. Ne jetonim në një shtëpi se kam katër fëmijë. Unë kam marrë urdhër pas urdhri, unë prej dy muajsh jetoj në shtëpinë time pa ujë dhe drita se nuk kam paguar dhe ma kanë ndërprerë. Vështirësia më e madhe është se djalin e madh e kam me probleme shëndetësore se bën dhe insulinë”, ka thënë 33 vjeçarja./Opinion.al
