Kronikë

U dhunua nga 57-vjeçari, kryebashkikau i Selenicës: Më qëlloi direkt me grusht


Bëhu pjesë e Grupit Zyrtar të Opinion.al
>> KËTU <<
               Publikuar në : 13:49 - 21/10/21 |
Opi Nion

Ditën e sotme Policia njoftoi se një 57-vjeçar i identifikuar si Pellat Bonaj ka dhunuar kryetarin e Bashkisë së Selenicës, Pëllumb Binaj.

Sipas informacioneve, shkak për konfliktin ishte bërë një licencë për linjën e furgonave Vlorë-Sevaster që kërkohej nga Bonaj.

Kryebashkiaku dhe autori i sulmit, janë takuar në Vlorë pasi bashkia e Selenicës i ka dhënë të drejtën e ushtrimit të aktivitetit një subjekti tjetër jo subjektit që ishte në administrim nga Pellat Bonaj.

Por gjatë diskutimeve, debatet kanë degraduar deri në përdorimin e dhunës fizike. Për këtë ngjarjes, kryebashkiaku i Selenicës, është shprehur se 57-vjeçari e ka qëlluar direkt me grushte, teksa i ka kërkuar që të zgjidhin problemin që kishte me orarin me një tjetër linjë furgonash që operon në këtë zonë.

 “Të dy kanë pasur licenca nuk kam favorizuar asnjë. Kam kërkuar të zgjidhin problemet e orarit. Më qëlloi direkt me grusht.”-ka thënë Pëllumb Binaj.

Ndërkohë, autori i sulmit është arrestuar nga policia dhe po merret në pyetje për zbardhjen e plotë të ngjarjes./Opinon.al

Pas