Policia njoftoi sot çlirimin e një të riu shqiptar që mbahej peng në Londër nga disa bashkështetas të tij.
Në News 24, Gazetarja Klodiana Lala bëri të ditur se 30-vjeçari i marr peng, ishte shtetasi Nertil Buzi nga Fieri, ndërsa kallëzimi për pengmarrjen e tij ishte bërë nga vëllai i tij në Shqipëri një javë më parë.
“Nëse nuk paguan 400 mijë paund, vëllai yt do të vritet”, kishte qenë kërcënimi i pengmarrësve, ndërsa mësohet se i riu është dhunuar edhe është filmuar, ndërsa pamjet e tij u janë dërguar familjarëve.
Ka dyshime që i riu ishte përfshirë në kultivimin e kanabisit në Britaninë e Madhe dhe në thelb ka qenë një çështje e pazareve të drogës, edhe pse i riu Buzi nuk rezulton person me precedentë penalë.
Një bashkëveprim i autoriteteve shqiptare me ato të Britanisë së Madhe çoi në arrestimin e 7 personave, ndërsa po hetohet mbi rastin./Opinion.al
