Video e 6 korrikut 2023 tronditi opinionin publik duke shfaqur një dhunë brutale dhe të paprecedent ndaj banorëve të Borizanës, të cilët denoncuan në policinë e Fushë-Krujës, dhe protestuan në rrugë se aktiviteti i një guroreje në pronësi të Përparim Rrajës, kushëririt të deputetit socialist të dorëhequr pas ngjarjes, Rrahman Rraja, po u shkatërronte shtëpitë.
Kushërinjtë Bilbil dhe Jashar Maja, u goditën barabarisht dhe u kërcënuan me armë nga anëtarë të fisit Rraja, mes tyre djali i ish-deputetit Rexhep Rraja, vëllezërit Flamur dhe Xhelal Rraja, Përparim Rraja, Klajdi Rraja dhe Edison Meta, të cilët ende sot e kësaj dite, dy muaj pas ngjarjes së rëndë janë ende në kërkim nga policia.
Por pavarësisht dhunës barbare që shihej qartë në videot e shpërndara në media, Prokuria ka vendosur të zbut akuzën daj dhunuesve.
Prokuroria sqaron se sipas përfundimit të mjekëve ligjorë dhuna e 6 korrikut ndaj Jashar dhe Bilibil Majës ka rezultuar nga plagosje e rëndë që ishte akuza kryesore, në plagosje e lehtë me dashje dhe kanosje.
Pasi Prokuroria arriti në këtë rezultat, ka reaguar Jashar Maja, cili u dhunua nga grupi “Rraja”. Ai i cili thotë se lidhur me këtë çështje ka firmosur disa dokumente të cialt nuk i ka lexuar për të mësuar se çfarë përmbanin.
“U njoftuam nga polici i zonës që në dijeni të shefit të Krimeve se duhet të paraqitemi në Komisariat. Nëse nuk paraqiteni na thanë se do të na merrnin me forcë. U paraqitëm dhe na thanë a je njohur me akt ekspertizën që ka nxjerrë Prokuroria? Ai më tha se ke për të firmosur me këtë. Kur isha duke biseduar mua më marrin në telefon se më kishte bërë aksident djali. Më merrte goca dhe unë ia mbyllja. Pastaj më bëri mesazh dhe isha i trazuar. Unë i thashë se bëj çfarë të duash në atë moment shefit sepse nuk jam dakord me atë gjë. Unë do të bëj ankimin, dua një të drejtë. Unë dokumentin e firmosa pa e lexuar. Nuk e mbaj mend fiks orën. Jam shprehur në mënyrë njerëzore. Ai më tha firmos këtu dhe firmosa, më dha kopje. Kopjen e Bilbilit nuk ma dha. Ndryshimi i masës është shumë e shëmtuar. Do t’i bëj denoncim Prokurorit. Unë në kokë kam qenë i çarë dy herë. Unë akoma përdor ilaçe sepse sa ngrihem në këmbë më merren mend. Ai Prokuror, Oficeri i Policisë Gjyqësore, mjeku nuk e di si e kanë bërë, a janë prindër ato apo jo?”, tha ndër të tjera Jashar Maja.
