Një 20-vjeçar ka ndërruar jetë në spitalin e Korçës.
Sipas uniformave blu, mësohet se i riu ishte ndjerë keq në një lokal në Bilisht dhe është dërguar me urgjencë në Spitalin e Korçës.
20-vjeçari me inicialet M.Ll, më pas ndërroi jetë si pasojë e një ataku kardiak.
Ndërkohë policia pret përgjigjen e ekspertizës mjeko-ligjore për të përcaktuar saktësisht shkakun e vdekjes.
“Mbrëmjen e djeshme, dyshohet se për shkak të një arresti kardiak, ka shkuar në spitalin e Korçës, në gjendje të rëndë shëndetësore, shtetasi M. Ll., 20 vjeç, banues në Bilisht, i cili më pas ka humbur jetën.
Nga këqyrja paraprake e trupit të 20-vjeçarit, nuk janë konstatuar shenja dhune. Pritet ekspertiza mjekoligjore për të përcaktuar shkakun e vdekjes”, thuhet në njoftimin e policisë.
