Një tjetër deputet i Kuvendit ja ka dalë të fitojë betejën me koronavirusin.
Deputeti Enver Roshi është shëruar, pas trajtimit në spitalin turk, ku u nis me urgjencë, vetëm një ditë pasi u shtrua në spitalin Shefqet Ndroqi në Tiranë.
Përmes një mesazhi në rrjetet sociale ai ka falënderuar mjekët për punën e tyre.
“Nuk gjej fjalë për të shprehur mirënjohjen për kujdesin dhe trajtimin mjekësor, ndjehem shumë i emocionuar. Qenia mjek dhe profesor në fakultetin e mjekësisë por njëkohësisht dhe në politikë më bën ta shoh më gjerë jetën tashmë jo vetëm si njeri i thjeshtë por edhe si mjek. Unë pata fatin që të shpëtoj nga Covid në spitalin tuaj, nuk gjej fjalë për të shprehur mirënjohjen për cilësinë e trajtimit”, shprehet Roshi në mediat sociale./ Opinion.al
