Gjykata e Apelit ka ulur dënimin për ish-gjyqtarin Shkëlqim Miri. Ai fillimisht u dënua me 2,8 vite burg për korrupsion, ndërsa sot dënimi është ulur në dy vite. Shkëlqim Mirit i është llogaritur si paraburgim koha nga arrestimi deri sot dhe parashikohet se do të lirohet pas 15 ditësh.
Ish-gjyqtari Miri u dënua me 2.8 vite burg për korrupsion në favorizimin e një të dënuari për veprën penale të vrasjes me dashje dhe armëmbajtje pa leje, kundrejt kërkimit dhe marrjes së përfitimeve monetare të paligjshme.
Gjatë kontrollit në banesë, atij iu gjetën dhe iu sekuestruan 174,810 euro, 10,149,000 lekë dhe 1,000 dollarë, që dyshohet të jenë marrë si ryshfet për një vendim favorizues për Gentian Dodën i akuzuar për vrasjen e dy personave në Burrel, në vitin 1997./Opinion.al
