Jorgo Goro u arrestua sot me urdhër të SPAK. Goro e drejtonte Himarën prej 3 mandatesh, ndërkohë që vazhdonte të mbante detyrën e kryebashkiakut prej 10 muajsh edhe pse i humbi zgjedhjet lokale të 14 majit përballë Fredi Belerit.
Goro është denoncuar nga rivali i tij, Fredi Beleri në shtator të vitit të kaluar. Ai akuzohet se ka ndërhyrë për të tjetërsuar prona në favor të të tretëve në mënyrë që të përfitojnë më pas statusin e investitorit strategjik.
Më konkretisht ai akuzohet se ka trajtësuar një pronë në favor të të tretëve, pronë e cila pasi është blerë, është marrë statusi i investitorit strategjik nga shtetasi Artan Gaçi, ish-deputet i Partisë Socialiste dhe bashkëshorti i ish-ministres së Jashtme Olta Xhaçka.
Hetimi ndaj Goros, kulmoi gjatë vjeshtës, atëherë kur përveç tij u thirr për t’u pyetur edhe investitori strategjik, Artan Gaci, bashkëshort i ish-ministres Olta Xhaçka.
Megjithatë hetimi i SPAK ngriti pikëpyetje mbi veprimtarinë e Goros dhe të dyshuar të tjerë që dyshohet se janë përfshirë në falsifikim dokumentesh në shkelje të ligjit.
Krahas kësaj padie SPAK i është referuar dhe raportit zyrtar të Kontrollit të Lartë të Shtetit i cili ka evidentuar disa dyshime në lidhje me shkeljen e barazisë në tendera por edhe me investime të caktuara në qytetin e Himarës, gjatë kohës ku Goro mbante postin dhe mandatin e tretë të kryebashkikakut të Himarës.
Gjetja më e rëndësishme e Kontrollit të Lartë të Shtetit, ka të bëjë me ndërtimin e një resorti në këtë zonë dhe me proceduat se si janë dhënë lejet e ndërtimit në zonën bregdetare të Himarës.
Pak kohë më parë Goro u paraqit në SPAK ku dha sqarime për këto dy çështje.
