Një punonjës shqiptar i një kroçiere ka fituar luftën ligjore kundër kompanisë, e cila kishte refuzuar të paguante për shpenzimet e tij mjekësore, pas dëmtimit të tij të rëndë në shtyllën kurrizore ndërkohë që ishte në krye të detyrës.
35-vjeçari Genti Jankula do të fitojë rreth 1.3 milionë dollarë dëmshpërblim nga kompania. I plagosuri, Genti Jankula kishte fituar më herët një dëmshpërblim prej 1,357,831.40 dollarë si dhe kishte menduar se problemet e tij financiare do të përfundonin me këtë shifër, por kompania Carnival Corporation në shtator të vitit 2018 nuk pranoi të paguante këtë shifër për të pasi u shpreh se gjykimi ishte i padrejtë.
Megjithatë gjykata federale e Miamit pas apelit urdhëroi më 18 Shtator se kompania e krocierës duhet t’i paguajë Jankulës rreth 186 dollarë në ditë.
Punonjësi i Carnival Cruise, Jankula pësoi një dëmtim serioz në shtyllën e kurrizore, ndërkohë që ishte në krye të detyrës. Ai filloi punë si një ndihmës kamarier në moshën 23 vjeçare gjatë vitit 2007. Më pas u punësua në anijen Carnival Valor më 7 dhjetor të vitit 2014 në moshën 30-vjeçare.
Në të njëtën ditë që nisi punë në këtë kroçierë ai ishte drejtuar për në kabinë, kur u shkëput një pjesë e shtratit të tij dhe shqiptari dëmtoi rëndë shtyllën kurrizore.
Kompania e dërgoi më pas për në Shqipëri për të marrë trajtimet mjekësore e nevojshme, por ata nuk i paguan më pas disa muajsh këto trajtime. Por kompania e kroçierave humbi më pas në apel dhe tashmë do t’i paguajë dëmshpërblimin shqiptarit./Opinion.al/
