Ministria e Shëndetësisë ka sqaruar se pacienti 61-vjeçar i raportuar si viktima e pestë nga koronavirusi, ka pësuar vdekje klinike.
Teksa sqaron se mjekët po bëjnë përpjekje të jashtëzakonshme për ta kthyer në jetë, Ministria nënvizon se gjendja e pacientit mbetet tepër e rëndë.
“Pacienti 61-vjeçar i raportuar nga spitali infektiv, ka pësuar vdekje klinike. Mjekët përpjekje të jashtëzakonshme për ta kthyer në jetë, por gjendja mbetet tepër e rëndë”, thuhet në njoftim.
Kujtojmë se nga mbrëmja e djeshme kanë ndërruar jetë dy persona nga koronavirusi në vendin tonë, një 71-vjeçar me origjinë nga Kuçova, i cili vuante nga disa sëmundje shoqëruese dhe një 43-vjeçar nga Kavaja që përpos obezitetit, nuk kishte sëmundje të tjera.
Në Shqipëri janë diagnostikuar 89 persona me Covid-19, nga të cilët, 4 kanë humbur jetën dhe 3 të tjerë kanë mundur të shërohen./Opinion.al
