Këngëtari me famë botërore Bruce Dickinson do të divorcohet pas 29 vitesh martesë.
“The Sun” shkruan se ai po përjeton një lidhje dashurie me një instruktore fitnesi, të quajtur Leana Dolci. 46-vjeçarja është një fanse e Dickinson prej vitesh dhe e ndiqte thuajse gjithmonë në koncertet e tij derisa arriti ti vidhte zemrën.
Dickinson tregoi se Leana ka njohur fëmijët e tij dhe ata po bashkëjetojnë, ndërsa shtoi se divorci ishte tashmë thjesht çështje procedurash. Siqodoftë ndarja me bashkëshorten mund ti kushtojë këngëtarit gjysmën e pasurisë prej 90 milion paundësh.
Bruce Dickinson është një këngëtar, tekstshkrues, muzikant dhe autor i njohur anglez. Ai është i njohur veçanërisht për energjinë e jashtëzakonshme si këngëtari kryesor i grupit të famshëm “Iron Maiden”. /Opinion.al
