Gjykata e Tiranës ka liruar nga qelia 30-vjeçaren që braktisi në një bodrum në Yzberisht foshnjën e porsalindur. Ajo është lënë nën masën e sigurisë “Arrest shtëpie”, ndërsa avokati i saj ka kërkuar kryerjen e një akt ekspertimi psikik, për të vlerësuar gjendjen mendore të saj.
Ngjarja e rëndë u regjistrua katër ditë më parë, kur foshnja e seksit mashkull u gjet në një divan në bodrumin e pallatit në Yzberisht.
Bebja u transportua me urgjencë në spital, por fatkeqësisht ndërroi jetë disa orë më vonë. Pas ngjarjes, policia arrestoi nënë 30-vjeçare e cila ka deklaruar se ishte e pamartuar dhe se kishte fshehur shtatzëninë nga familja e saj./Opinion.al
