Dje në emisionin “Dua të të bëj të lumtur” u trajtua një histori e dhimbshme, ajo e Ardiasit. Ardiasi ishte braktisur prej 10 vitesh nga e ëma në jetimore. Po ashtu, ai nuk njihte as të atin dhe nuk dinte asgjë për të. Ndaj Ardiasi kishte ardhur në program dhe kishte ftuar të ëmën, Samijen. Ardiasi kërkoi të ëmën për ta pyetur për arsyen e braktisjes, dhe për të mësuar kush ishte i ati.
Samija rrëfeu se ishte detyruar të merrte një vendim të tillë për shkak të pamundësive ekonomike. Ajo tregoi ishte ndarë me të atin e Ardiasit që kur ai ishte 6-muajsh. Sipas saj, babai i tij nuk kujdesej për familjen dhe as nuk kontribuonte ekonomikisht. Edhe pse Ardiasi u shpreh se dëshironte të njihte të atin dhe të bashkonte familjen, Samija nuk pranoi t`i tregonte identitetin e tij. Nëna e Ardiasit tha se ai nuk e meritonte dashurinë e tyre. Një tjetër kërkesë e Ardiasit ishte të largohej nga jetimorja dhe të bashkohej me të ëmën. Me ndihmën e stafit, kjo dëshirë e tij plotësua.
