Kryeministri Edi Rama këtë të premte në një aktivitet të organizuar për procesin e rindërtimit ka prezantuar, Luljeta Bozon, si kandidate për deputete në listat e PS në zgjedhjet e 25 prillit.
“Dua që Luljeta Bozo të jetë këtu me mua dhe të përcjellë idenë e palëkundur timen se ne kemi bërë shumë, por jo aq sa është mjaftueshëm për të thënë o sa mirë. Kjo vlen jo vetëm për punët që kemi bërë, por edhe për PS, rrugën tonë drejt ripërtëritjes. Një pasqyrë sa më e afërt, sa më e pëlqyeshme në atë reflektimin e aspiratave tuaja dhe standardeve që keni. U bëre një gjyshe, një nënë, një motër dhe një shoqe e dashur për të gjithë popullin, me mesazhet e tua. Ndihma juaj ka vazhduar dhe ka qenë shumë e vyer në gjithë procesin e programimit dhe rindërtimit”, tha Rama.
Ndërkohë, inxhinierja Bozo vlerësoi punën e qeverisë shqiptare për procesin e rindërtimit. Gjatë fjalës së saj ajo tha: “Në përgjithësi në inxhinierët flasim shkurt. Ne të gjithë u tronditëm, se tërmeti është një dukuri shumë e rrezikshme. Nuk mund të bëjë trimin. Nga ky tërmet ne nxorëm disa mësime që kanë lidhje me shkeljet që janë bërë në fushën e ndërtimit.
Qeveria e mori veten shumë shpejt, dhe nuk mbeti njeri përjashta, pa strehë dhe pa ushqim. Ishin shkatërrime të mëdha. Më vjen shumë mirë që ato që kemi konstatuar, defekte në ndërtim, se ne s’do kishim as gjysmën e atyre dëmeve po të ishin zbatuar rregullat e ndërtimit, janë zbatuar në projektet e rindërtimit që janë bërë.
Gjithashtu, kemi pasur defekte dhe të shtëpitë në fshat, se kanë qenë të vjetra por dhe të shpërndara. Megjithatë, kemi bërë projekte dhe studime në terren dhe faktikisht këta e kanë dhuratë për mua, të hysh në një shtëpi të re pa shpenzuar asnjë lekë.
Ne kemi shembull në Itali që ka mbi 10 vite që ka rënë tërmeti dhe janë akoma në rulota. Kurse këtu jo vetëm që nuk paguan, por kanë shtëpi të re dhe sipas standardeve. Më vlen mirë që në procesin e rindërtimit, atje ku po bëhen qendra të reja, po bëhet infrastruktuara siç bën gjithë bota.
Ky proces për mua personalisht po ecën normalisht, ndoshta ka nevojë për të treguar për ata që janë hezitues, se kujtojnë se bëhet menjëherë. Njerëzit duhen sqaruar, shtëpitë nuk ndërtohen kështu… Ndërtimet janë e bërë me paratë tona se Evropa ka shumë, burokraci sa të japë ato fonde.
Mund të ketë nevojë për cik më shumë transparencë kur thotë u vodhën fondet. Se kështu pazar poshtë e përpjetë bëhet plot”.
