Bota

U bë simboli i shpresës në pandemi, Tom Moore vdes me koronavirus


Bëhu pjesë e Grupit Zyrtar të Opinion.al
>> KËTU <<
               Publikuar në : 19:10 - 02/02/21 |
Opi Nion

Tom Moore, veterani britanik i Luftës së Dytë Botërore, ka vdekur në moshën 100-vjeçare.

Ai ka fituar vëmendje së fundmi për mbledhje të dhjetëra miliona dollarëve për punëtorët shëndetësorë, të cilët janë përballur me sëmundjen COVID-19.

Familja e Moore ka thënë përmes një deklarate më 2 shkurt se ai është trajtuar për pneumoni në javët e fundit pasi ka rezultuar pozitiv në koronavirus.

Ai ishte shtruar në spital gjatë fundjavës, pasi kishte vështirësi në frymëmarrje.

Veterani i Luftës së Dytë Botërore është kthyer në hero, pasi ka arritur të mbledhë 41 milionë dollarë duke bërë 100 xhiro në kopshtin e tij me ndihmën e një kornize për ecje në prill të vitit të kaluar, pak para se të mbushte 100 vjet.

Nderimet për të kanë vazhduar edhe pas vdekjes. Pallati Buckingham ka thënë se Mbretëresha Elizabeta II do të dërgojë mesazh privat për familjen e veteranit tashmë të ndjerë.

Kryeministri britanik, Boris Johnson ka thënë se Moore “ka qenë jo vetëm inspirim kombëtar, por edhe fener shprese për botën”.

Pas