Policia italiane ka zbardhur emrat e dy shqiptarëve të arrestuar një ditë më parë, me 10 kg marijuanë në Tolentino.
Ata janë: Driton Gjini, 26 vjeç, i arrestuar edhe në vitin 2012 në portin e Ankonas me 8 kg marijanë si dhe 36-vjeçari Agustin Troka, me profesion elektricist.
Policia po kryente kontrolle në këtë zonë prej ditësh dhe si qëllim kishte luftën ndaj drogës. Kështu rreth orës 2 të mëngjesit, të ditës së djeshme, ata kanë ndaluar një automjet, tip “Fiat Croma”.
Pas kontrolleve policia zbuloi 10 pako me marijuanë. Të dy shqiptarët u transferuan në burgun e Camerino./tvklan.al
