Përmes një njoftimi Policia e Shtetit ka bërë të ditur se 29-vjeçarja e arrestuar në Itali për lëndë narkotike nuk pjesë e policisë shqiptare, siç iu ishte prezantuar autoriteteve italiane.
Sipas policisë 29-vjeçarja me iniciale F.Z nuk është më pjesë e Policisë së Shtetit që prej vitit 2017. Ajo ka qenë efektive në Drejtorinë Vendore të Policisë Vlorë dhe në vitin 2017 është larguar nga Policia e Shtetit pasi nuk fitoi më të drejtën për tu pajisur me Çertifikatë Sigurie.
Gjithashtu Policia e Shtetit ka bërë të ditur se ka shkëmbyer informacion në kohë reale me homologët e Karabinierisë në Milano, nëpërmjet Oficerit Ndërlidhës në Bari për rastin në fjalë./Opinion.al/
