Policia njoftoi pasditen e sotme se ka arrestuar pas dy vitesh arrati Daniel Pepajn i dyshuari për vrasjen e dy kushërinjve të tij në Malësi të Madhe.
Ngjarja ndodhi në datën 3 tetor të vitit 2020 kur Daniel Pepaj qëlloi me armë zjarri dy vëllezërit Vilson Çetajn dhe Klement Pepajn pas një mosmarrëveshje për parcelat me kanabis.
Vilsoni akuzonte Danielin se i kishte vjedhur 50 kg kanabis. Ai kërkoi ndihmën e Klementit për t’u ballafaquar me Danielin, të cilin të dy e dhunuan fizikisht.
Pas dhunës, 25-vjeçari pranoi se e kishte marrë ai kanabisin dhe u propozoi që t’u kthente sasinë prej 7 kg që i kishte mbetur.
Në datën 3 tetor, Vilson Çutaj dhe Klement Pepaj, u nisën drejt vendit ku supozohet se Danieli kishte fshehur drogën.
Prej atij momenti ata u zhdukën për pesë ditë me radhë. Danieli e qëlloi Vilsonin me armë zjarri, ndërsa pas tij, nga frika se mos tregonte, vrau edhe Klementin.
Pas gjetjes së dy trupave të pajetë, u konstatua se të dy viktimat janë qëlluar me nga një plumb pas shpine. Vilsoni është qëlluar me një plumb në kokë ndërsa Klementi, është qëlluar me një predhë në shpinë.
