Ish-kryebashkiaku i Lushnjes, Fatos Tushe, i arrestuar pas një operacioni të Prokurorisë së Posaçme kundër Krimit të Organizuar dhe Korrupsionit kërkon lirimin nga qelia për arsye shëndetësore.
Në kërkesën e depozituar nga avokati i tij bëhet me dije se Tushe vuan prej vitesh nga sëmundje kardiake, diabet, gur në tëmth me kriza të vazhdueshme akute, nga mushkëria si dhe është alergjik/intolerant ndaj disa ushqimeve. Po ashtu Tushe pranon edhe një masë garancie pasurore për të mos qëndruar në qeli.
“Z. Tushe vuan prej vitesh nga sëmundje kardiake, diabet, gur në tëmth me kriza të vazhdueshme akute, nga mushkëria si dhe është alergjik/intolerant ndaj disa ushqimeve. Problemet shëndetësore të tij provohen nga të dhënat e pasqyruara në dokumentat e poshtëshënuara”, thuhet në shkresë.
Fatos Tushe dhe zyrtarëve të tjerë të Bashkisë Lushnje u arrestuan disa ditë më parë. Mbi ta rëndon akuza e shpërdorimit të detyrës pasi rezultojnë të përfshirë në një tender abuziv me fond 24 milionë lekë për rehabilitimin e një kanali ujitës.
Pas arrestimi, Tushe u shkarkua nga detyra si kreu i Bashkisë së Lushnje me vendim të Këshillit të Ministrave./Opinion.al
