Durim Bami është arrestuar sërish nga autoritetet në Dubai, ndërsa pritet ekstradimi i tij drejt Shqipërisë.
Bami është arrestua edhe më herët në Dubai, konkretisht në qershor të 2024-ës pas shkëmbimit të informacionit nga Interpol Tirana me atë të Abu Dhabit.
Gjatë kohës që Bami ishte i arrestuar në Dubai, Ministria e Drejtësisë nisi zyrtarisht kërkesën për ekstradimin e 45-vjeçarit. Megjithatë, arrestimi i tij nuk zgjati shumë pasi u lirua rreth 2 muaj më pas nga autoritetet e Dubait.
Sjellim në vëmendje se Durim Bami u shpall në kërkim gjatë operacionit të SPAK të koduar “Revanshi”, pasi doli në bisedat e aplikacionit Sky. 45-vjeçari planifikonte vrasjen e ish-deputetit Arben Ndoka, Tori Xheçukës dhe Erigers Mihasit.
Përveç krijimit të kushteve për të kryer vrasje, Bami akuzohet edhe për kultivim të bimëve narkotike. Sipas SPAK, Bami dyshohet se bashkëpunoi me ish-efektivin e RENEA, Altin Morina për të mbjellë kanabis në zonën e Niklës.
