Blerim Harusha, 26-vjeç, i arrestuar tri ditë më parë në zonën pedonale të Shkodrës, me akuzën e shpërndarjes së lëndëve narkotike, do të qëndrojë 40 ditë në arrest me burg. Këtë masë caktoi gjykata e Shkodrës këtë të dielë.
Organi i akuzës për kaq kohë duhet të provojë nëpërmjet analizave laboratorike, se lënda narkotike e cila i është bllokuar atij nga policia është kokainë.
Prokuroria kërkoi caktimin e masës së sigurisë burg pa afat. Nga ana tjetër gjyqtarja e gatshme Arta Llazari, pranoi kërkesën e mbrojtjes për caktimin e masës së sigurisë me afat deri në përfundim të analizave laboratorike.
Blerim Harusha, u arrestua nga policia e Shkodrēs ku iu gjetën 4 doza gjatë kontrollit fizik dhe 118 të tjera gjatë kontrollit në një banesë me qera tek Ura Dervishbeg.
Tv Klan
